Құлсары қаласы, И.Тайманов к-сі, 4 5-07-66

500 жұмыссыз түйіндемесін тапсырды

Қаладағы балалар мен жасөспірімдерге арналған спорт кешенінде 30 мекемеден келген өкіл бос жұмыс орындарының тізімін алдарына тізіп қойыпты. Қолдарына түйіндемелерін ұстаған тұрғындар жәрмеңкеге қарай ағылды. Байқағанымыздай, жұмыс іздеп келгендердің басым көпшілігі жастар екен.

Бір қызығы, барлығы мүйізі қарағайдай аты бар мекемелер - "КМГ Нейборс Дриллинг", "Велестрой", "Сенімді Құрылыс" компанияларына қарай жүгіреді. Бірақ жалақысы көп «КМГ Нейборс Дриллинг» мекемесінің өкілі алдына келген түйіндемелердің барлығын қабылдай қойған жоқ. Айтуынша, бұл компанияға екінің бірі жұмысқа орналаса алмайды. Өйткені талап жоғары. Ал «Сенімді Құрылыс» мекемесі, керісінше, жылыойлықтарды жұмысқа қабылдаудан қашпақ емес.

Сондықтан тұрғындар түйіндемелерін сеніммен тапсыруда. Сондай-ақ "ЮСС Суппорт Сервисез", "Бонатти С.п.А Казахстан", " Арктик Экуипмент Казахстан", "Саренс", "COC Realty", "Құлсарыгаз", "Доларо Оверсиз Лимитед", "Гате Иншаат Таахют санайи ве Тиджарет", "Агропромтехника", "Жылыойгаз", "Болашақ Атырау", "Мунайсервис ЛТД" т.б. мекемелер бар. Нәтижесінде 571 жұмыссыз түйіндемелерін тапсырды. Аудан әкімі Азамат Бекет жәрмеңкенің нәтижесі жақсы болуы үшін әр компанияның өкілімен тілдесіп шықты. Оларды жұмыссыздардың сеніміне жауапкершілікпен қарауға шақырды.

П.ҚИЗАТОВА

Әкім жұмысына баға беріңіздер

Аудан әкімінің жұмысына қандай баға бересің?
Әкім тағайындалғалы ауданда жұмыссыздық деңгейі өзгерді ме?
Елді мекендердің тазалығына қандай баға бересіз?

k

k