ads_banner

6 балалы әке «Харекет» қоры арқылы баспаналы болды

Қосшағыл ауылындағы 3 бөлмелі үй 6 бала тәрбиелеп отырған Жәлел Оңдасыновтың отбасына табыс етілді. Тұрғын үйдің кілтін салтанатты түрде табыс ету шарасына аудандық мешіттің бас имамы Арман Исаев, Қосшағыл ауылдық мешітінің имамы Теңел Айдарбекұлы арнайы келіп, құттықтады. - Бүгін міне қасиетті жұмада «Харекет» қайырымдылық қоры халықтың қолдауының арқасында мұқтаж отбасыға үй алып беріп жатыр. Біз жесірін жылатпаған, жетімін қаңғытпаған бабаның ұрпағымыз. Ел бойынша үлкен қолдауға ие болып отырған «Харекет» қорының жұмысына сәттілік тілеймін, – деді бас имам.

«Харекет» қайырымдылық қорының Атырау облысы бойынша басшысы Мақсат Есенбаев бұл баспана ел бойынша беріліп жатқан қырық бірінші үй екенін айтып, осынау игі іске үлес қосқан азаматтарға қор атынан алғысын айтты. Баспанаға ие болған Жәлел Оңдасынов бірнеше жылдан бері үй жалдап, тұрмыс тауқыметін тартып келеді екен. Оның үстіне бір баласы мүмкіндігі шектеулі. Осылайша аудан бойынша «Харекет» қорының алғашқы үйі де табысталды. Қор өкілдері мұндай игі істер алдағы уақытта жалғасын табатынын айтып отыр.

Қ.Нұртайұлы.

Жарнама

ads_banner2

Күнтізбе

қараша 2019
ПВСЧПСВ
123
45678910
11121314151617
18192021222324
252627282930

Жарнама

ads_banner2

ads_banner