var base_url = 'http://www.ken-zhyloi.kz/index.php?option=com_sppolls'

ads_banner

Жаңа автобустар жолға шықты

Олар №5 және №10 маршрут бағыттары бойынша қатынап жүр. Құлсары қаласының әкімі Қаржау Шарғабаевтың айтуынша, бұлар - «Автотранс» ЖШС-ға қарасты автобустар. Аталған мекеме аудандық тұрғын үй-коммуналдық шаруашылық және автомобиль жолдары бөлімімен екі ай мерзімге келісімшартқа отырған екен.

№5 қаланың 5 «а» ықшамауданынан бастап, Халыққа қызмет көрсету орталығының алдымен өтіп, ІІІ ықшамауданның Ізбасов көшесі арқылы Өтен батыр көшесінен бойлай өтіп, «Лидер» супермаркеті мен «Технодом» сауда үйінің ортасымен «Бәйтерек» аялдамасына барып, бір аялдайды. Одан Орталық ықшамаудандағы Махамбет даңғылымен «Халық Банкі» мен «Сəт сапар» аялдамасы арқылы жүріп, «Бес ағайын» мейрамханасына бұрылады да, Сарқытов көшесімен кері 5 «а» ықшамауданына дейін қатынайды.

Ал мамырдың 21-інен, яғни сейсенбіден басталған қалаішілік бағыттағы жолаушылар тасымалдаумен айналысатын №10 маршруттың жұмысы Құлсарының 7-учаскесіндегі М.Нұрманов көшесіндегі «Аружан» мейрамханасынан басталады. А.Орынғалиев, Б.Бойжанов көшесі арқылы ПНГС ықшамауданымен Махамбет даңғылына түсіп, ІІІ ықшамауданындағы Қ.Сыдиықұлы көшесіне қарай бұрылады. Әрмен қарай Ш.Ізбасов пен М.Кенғанов көшесінен «Технодом» сауда үйінің алдымен «Бәйтерек» аялдамасына табан тірейді. Сол жерден Орталық ықшамауданына қарай қозғалып, «Халық Банкі» арқылы «Беркад» базарына барып, аялдайды. Сол жерден Ұ.Абдрахманов пен Ж.Ізтұрғанов көшесімен бойлай өтіп, М.Нұрманов көшесіндегі «Аружан» мейрамханасына қайтып келеді.

Е.ҚОШАҚАНОВ

Жарнама

ads_banner2

Сауалнама

Жаңа дизайн ұнадыма?

Күнтізбе

қыркүйек 2019
ПВСЧПСВ
1
2345678
9101112131415
16171819202122
23242526272829
30

Жарнама

ads_banner2

ads_banner