15 мамыр - Халықаралық отбасы күні. Атаулы күн 1993 жылы БҰҰ-ның Бас Ассамблеясымен бекітілген. Адам өмірі отбасынан басталады, азамат болып қалыптасуы да осында өрбиді.

Отбасы - сүйіспеншіліктің, құрмет пен ынтымақтастықтың ошағы, яғни кез келген зиялы қоғамның діңгегі. Осыған орай жұмыспен қамту, әлеуметтік бағдарламалар және азаматтық хал актілерін тіркеу бөлімінің ұйымдастыруымен аудандық перзентханада шара өтті.

Аналар – отбасының ұйытқысы десек, мереке қарсаңында өмірге сәби әкелген жас аналар марапатталды. Алғашқы сөзді бөлім басшысы Нұржарық Сауытов сөйлеп, мерекемен құттықтады.

П.ҚИЗАТОВА