Қызметіне күні кеше кіріскен Жастар ресурстық орталығының жаңа басшысы алдағы жоспарларымен бөлісті.

Ақсақалдардың ақылын алып, өмірлік тәжірибесін үйрену де қоғамдық маңызы зор істердің бірі болып саналады. Жақында аудандық Аналар кеңесінің төрайымы Мұстахима Исайнова мен Қоғамдық келісім кеңесінің төрағасы Нұрдәулет Ақназаровтар Ақкиізтоғай ауылының жастарымен кездесті.

«Қызым келіннен, ұлым елінен ғибрат алып өседі» деп аталған шараға сондай-ақ аудандық Жастар ресурстық орталығының басшысы Сержан Серікбаев қатысты. Көздерінен жалын ұшқындаған жас ұрпақ өкілдері аталары мен әжелерінің әңгімелерін зор қызығушылықпен тыңдады.

Қыз, ұл тәрбиесі жөнінде үлкендердің ұлағатты ақылын естіп, рухани кездесуден сусындап қайтты. Қызметіне күні кеше кіріскен Жастар ресурстық орталығының жаңа басшысы алдағы жоспарларымен бөлісті. Жиналған жас толқынның қандай ой-пікірі, идеялары бар екенін сұрап, оларды қоғамдық шараларға белсене араласуға шақырды.

П.ҚИЗАТОВА