var base_url = 'http://www.ken-zhyloi.kz/index.php?option=com_sppolls'

ads_banner

НОҒАЕВ ИОРДАНИЯ, ПАЛЕСТИНА ЖӘНЕ ЛИВАН ЕЛШІЛЕРІМЕН КЕЗДЕСТІ

y

Жиында Теңіз вахталық қалашығында болған оқиғаны талқылады, деп хабарлайды Атырау облысы әкімінің баспасөз қызметі.

Облыс әкімі қазір Теңіз қалашығында ахуал тұрақты екенін, 30-дан астам адам жеңіл жарақат алғанын, өмірлеріне қауіп жоқ екенін айтты.

- Атырау облысы әкімінің бірінші орынбасары жетекшілік ететін ведомствоаралық комиссия құрылды, комиссия оқиғаның себеп-салдарын анықтайтын болады. Біздің тарапымыздан осындай оқиғаларды алдағы уақытта болдырмау мақсатында барлық шаралар қолға алынады. Теңіз жобасына тартылған жұмысшылардың өмірлері мен денсаулықтарына қауіп жоқ, бұл мәселе біздің назарымызда, - деді Нұрлан Ноғаев.

Елшілер оқиғаның тұрмыстық сипатта екенін және болашақта мұндай жағдайлардың қайталанбауы үшін барлық күштерін салатындарын атап өтті.

- Бұл жағдай сіздер үшін де, біз үшін де өте ыңғайсыз болды. Бұл мәселе Палестина мен Қазақстанның тарихи қарым-қатынасына сызат түсірмеуін қалаймыз. Біздің басшылығымыз бен Палестина халқы Қазақстанның Тұңғыш Президенті Нұрсұлтан Назарбаевтың сарабдал саясатын, араб-израиль жанжалына қатысты қауіпсіздік кеңесінің, бас ассамблея, БҰҰ-ның барлық резолюцияларын қолдағанын жоғары бағалайды. Болған жайттар біздің қарым-қатынасымызға кері әсерін тигізбейді. Біз ортақ тіл табыстық, жақында ССС компаниясының иесі Қазақстандағы жұмыс пен ынтымақтастықты жалғастыру жөнінде сөйлесу үшін облыс әкімімен кездесуге келеді, - деді Палестинаның ҚР-дағы елшісі, доктор Монтасер Абу Зейд.

- Теңіз кен орнында болған оқиға кеңпейіл, қонақжай қазақ халқының көңіліне көлеңке түсірмейді деген ойдамыз. Иордания мен Қазақстан арасындағы әріптестік жоғары деңгейде. Біз жұмысшыларымыздың көп кешікпей жұмыс орындарына оралатындарына сенім білдіреміз. Қазақстан Үкіметі бұл мәселеде бізге қолдау көрсетіп отыр, - деді Иорданияның ҚР-дағы елшісі Юсуф Абдулгани.

- Біз бұл жерге әлеуметтік желілерде жазылып жатқандай азаматтарымыздың Қазақстаннан кетуін сұрап келген жоқпыз. Ливан мен Қазақстанның достығы берік, біз кез келген мәселені ашық шеше аламыз. Бұған әкіммен кездесуіміз де мысал бола алады. Осы тақырыпты бірге талқылай алғанымыз үшін әкімге және әкімдіктің ресми өкілдеріне ризашылығымызды білдіреміз, - деді Ливанның ҚР-дағы елшісі Жискар Әл-Хури.

ATpress.kz

Сурет: ӨКҚ

Жарнама

ads_banner2

Сауалнама

Жаңа дизайн ұнадыма?

Күнтізбе

қыркүйек 2019
ПВСЧПСВ
1
2345678
9101112131415
16171819202122
23242526272829
30

Жарнама

ads_banner2

ads_banner